Misli Premyer Liqasının 20-ci turunda doğma meydanda "Kəpəz" üzərində 1:0 hesabı ilə qalib gələn "Səbail"in baş məşqçisi Cavid Hüseynov oyunu dəyərləndirib.
Fanat.Az xəbər verir ki, gənc mütəxəssis matçla bağlı belə danışıb:
"Futbolçularımı təbrik edirəm. Əsl mübarizə, xarakter göstərdilər. Oyuna əlavə olaraq psixoloji cəhətdən də hazırlaşmaq lazım idi. Çünki aşağı pillələrdə də gərgin mübarizəyə şahidik. Komanda olaraq buna yaxşı hazırlaşmışdıq.
İki fərqli hissə izlədik. İlk yarıda bir neçə qol epizodumuz oldu. İkinci hissədə məlum idi ki, rəqib irəli atılacaq. Əks-hücumlarımız oldu. Sonda nəticə bizim xeyrimizə olduğu üçün sevinirik. Amma oyun planında üzərində işləməli olduğumuz çox şey var.
Qış fasiləsində vaxtdan səmərəli istifadə etdik. Futbolçularda taktiki baxımdan xeyli inkişaf görürük. Bu nəticələri gözləyirdik".
