İsrail çempionatının 20-ci turunun Hayfanın "Makkabi"si ilə Təl-Əvivin "Makkabi" komandaları arasında keçirilən oyun yarımçıq dayandırılıb.
"Operativ Media" xəbər verir ki, birinci hissədən sonra "Makkabi Tel-Əviv"in forvardı Dor Turgeman rəqibin azarkeşlərinin tribunaları qarşısında penaltidən vurduğu qolu cəsarətlə qeyd etdiyi üçün böyük dava olub. Bir neçə azarkeş də meydançaya girməyə çalışıb.
Birinci hissədə “Yaşıl meymunlar” qrupundan olan Hayfa azarkeşləri meydançaya fişənglər ataraq oyunu dörd dəfə yarımçıq dayandırıb, onlardan biri öz klubunun qapıçısına dəyib.
İdman nazirinin müraciətindən sonra İsrail polisinin baş müfəttişi “tamaşaçıların sağlamlığı üçün real təhlükə və iğtişaşların davam etmə ehtimalı yüksək olduğundan” matçı dayandırmaq qərarına gəlib.
Hələ oyun başlamamış polis hər iki komandanın 100-dən çox azarkeşini saxlayıb. Onlardan bıçaqlı silahlar, beysbol dəyənəkləri və zəncirlər, həmçinin pirotexniki vasitələr müsadirə edilib.
