Qazaxıstan millisinin yeni baş məşqçisinin kim olacağı müəyyənləşib.
Fanat.Az xəbər verir ki, məlumatı "KazFootball" yayıb.
Mənbənin məlumatına görə, ötən gün istefaya göndərilən Stanislav Çerçesovu Əli Əliyev əvəz edəcək.
Qazaxıstan millisinin baş məşqçisi olacaq Əliyev bundan əvvəl “Qızıljar”ı çalışdırıb. O, eyni zamanda “Jenis”, “Şaxtyor” və “Astana”nın gənclər komandasına rəhbərlik edib. Onun rəhbərliyi altında Petropavlovsk komandası 2023-cü il Premyer Liqada beşinci yeri tutaraq UEFA Konfrans Liqasına vəsiqə qazanıb.
Xatırladaq ki, Qazaxıstan seçməsini 6 oyuna çıxaran Çerçesov 5 məğlubiyyət və 1 heç-heçə ilə yadda qalıb.
Orta Asiya təmsilçisi 2026-cı il dünya çempionatının seçmə mərhələsində Belçika, Uels, Şimali Makedoniya və Lixtenşteynlə bir qrupda yer alıb.
Mirağa
