İranın xarici işlər naziri Abbas Əraqçı ABŞ prezidenti Donald Trampın Qəzza zolağının köçürülməsi ilə bağlı açıqlamasına cavab verib.
Bizim.Media xəbər verir ki, nazir “Sky News” telekanalına müsahibəsində Trampın bu təklifini “ələ salıb”.
Əraqçı Trampın Qəzza əhalisini Misir və İordaniyaya köçürmək təklifinə deyib:
“Mən fərqli bir şey təklif edirəm. Fələstinlilərin əvəzinə israilliləri Qrenlandiyaya köçürsün, bununla da bir daşla iki quş vurmuş olar”.
Qeyd edək ki, daha əvvəl Tramp Qəzza sakinlərinin ərəb ölkələrinə, o cümlədən İordaniya və Misirə köçürülməsini mümkün hesab etdiyini açıqlamışdı.
Bizim.Media
