Vaşinqton səmasında təyyarə qəzasından 24 saat əvvəl həmin helikopter başqa bir təyyarənin enişinə mane olub.
APA xəbər verir ki, bu barədə “Washington Post” əldə etdiyi radio danışıqlarının audioyazılarına istinadən məlumat yayıb.
Agentliyin məlumatına görə, Konnektikut ştatının Hartford şəhərindən Vaşinqtona uçan “Republic Airways” şirkətinə məxsus təyyarə eniş üçün yaxınlaşarkən onun yolunda helikopter peyda olub.
Təyyarə enmə zolağını tərk edib yenidən dövrə vuraraq növbəti cəhddə yerə enib.
