21 yaşadək futbolçulardan ibarət Azərbaycan milli komandası Avropa çempionatının seçmə mərhələsi çərçivəsində növbəti oyununa çıxıb.
F qrupunda yer alan millimiz 9-cu matçında Şimali İrlandiyanın müvafiq yaş qrupundan ibarət komandası ilə qarşılaşıb. Ballimena şəhərində yerləşən “The Showgrounds” stadionunda keçirilən görüş meydan sahiblərinin 5:0 hesablı qələbəsi ilə yekunlaşıb. Bu nəticədən sonra komandamız 3 xalla 6-cı pillədə qərarlaşıb.
Qeyd edək ki, U-21 millimiz qrupda son görüşünü oktyabrın 15-də, Bristolda İngiltərə yığmasına qarşı keçirəcək.
