1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
ABŞ Prezidenti Co Bayden Konqresin yeni üzvləri qarşısında çıxışı zamanı Rusiya lideri Vladimir Putinlə yarıməsrlik tanışlığından danışaraq, hər kəsi təəccübləndirib.
Oxu.Az-ın verdiyi məlumata görə, bu barədə sosial şəbəkələrdə kadrlar yayılıb.
Belə ki, Bayden Putini 47 ildən çox tanıdığını, onunla seçildikdən və ya vəzifəyə başladıqdan dərhal sonra görüşdüyünü xatırladığını deyib.
"Bəli, düzdür, vəzifəyə başladıqdan dərhal sonra, fevralın əvvəlində", - deyə Bayden dəqiqləşdirib.
Ağ Ev rəhbəri qeyd edib ki, həmin görüşün məqsədi silahlanmaya nəzarət və nüvə silahları üzrə dialoqun bərpasını müzakirə etmək olub, lakin Putin Rusiyanın necə dəyişdiyindən danışmağa başlayıb.
Qeyd edək ki, Baydenin qeyd etdiyi andiçmə mərasimi 2021-ci il yanvarın 20-də keçirilib. Onların görüşü bundan 6 ay sonra iyunun 16-da Cenevrədə (İsveçrə) sammit zamanı baş tutub. Cenevrə zirvə toplantısından əvvəl onlar yalnız bir dəfə, 2011-ci ilin mart ayında, Bayden ABŞ-nin vitse-prezidenti, Putin isə Rusiya hökumətinin rəhbəri olarkən görüşüblər.
