ABŞ bankı "Bank of America" (BofA) 2025-ci ilin sonuna ABŞ dolları/Türk Lirəsi proqnozunu aşağı salıb.
Marja.az xəbər verir ki, BofA-nın dərc etdiyi son hesabatda, ilin sonuna dollar/TL proqnozu 44-dən 41-ə azaldılıb. Bu gün Dollar/TL məzənnəsi 35,32-dən ticarət olunur. BofA-nın proqnozu doğru çıxarsa, bu, dolların daha 16 faiz bahalaşması deməkdir.
BofA, Türkiyə Mərkəzi Bankının faiz dərəcələrini azaltmağa davam etməsi lazım olduğunu və yanvar ayında daha 2,50 faiz bəndi azalma gözlədiklərini qeyd edib. BofA, il ərzində 7 dəfə 2,50 bənd azalma ilə pul siyasəti faizinin ilin sonunda 30 faizə enəcəyini proqnozlaşdırır.
2024-cü ilin son iclasında Türkiyə Mərkəzi Bankı uçot dərəcəsini 2,5 bənd azaldaraq 47,5 faizə endirib.
BofA, "Minimum əmək haqqı artımı gözləntilərin aşağı hissəsində olduğundan, 25 faizlik inflyasiya proqnozumuza qarşı məhdud yuxarı risk görürük. İnflyasiya daha aşağı səviyyələrə düşə bilər", - qeyd edib.
