Fələstinin HƏMAS radikal hərəkatı anklavda atəşkəs razılaşmasının həyata keçirilməsinin birinci mərhələsində Qəzza zolağında saxlanılan israilli girovların adlarının siyahısını təhvil verməyə hazırlaşır.
Yeniavaz.com xəbər verir ki, bu barədə “Əl Ərəbiyyə” telekanalı məlumat yayıb.
Bildirilib ki, vasitəçilər artıq sazişin layihə variantını əldə ediblər və tərəflər hazırda İsrailin təklif olunan şərtlərə reaksiyasını gözləyirlər. Telekanal iddia edir ki, sənədə əsasən, atəşkəs razılaşması “üç vaxt müddəti ərzində” həyata keçiriləcək. Mənbələrin sözlərinə görə, HƏMAS danışıqlar prosesində müəyyən qədər çeviklik göstərib və bu, İsrailin Baş naziri Benyamin Netanyahunu razılaşmanın müzakirəsinə qayıtmağa məcbur edib.
