Rusiya Federasiyasının Saratov vilayətində yerləşən Engels şəhərindəki neft bazası yanvarın 8-də baş verən gecə zərbəsindən sonra hələ də yanır. Orada hərbi aerodrom üçün rekord miqdarda yanacaq saxlanılıb.
Hafta.az xəbər verir ki, bu haqda “UNİAN” yazır.
"VÇK-OQPU" layihəsinin mənbələrə istinadla verdiyi məlumata görə, PUA-nın Engelsdəki neft bazasına hücumu nəticəsində 120 min kubmetr tutumlu 3 çən tamamilə sıradan çıxıb. Bundan əlavə, 6 çənin hər birinə ciddi ziyan dəyib.
"Hərbi aerodrom üçün təxminən 800 min ton yanacaq saxlayan çən parkı sıradan çıxarılıb", - kanal qeyd edir.
Hazırda Rusiya xilasedicilərində neft və yanacaq yanğınlarını söndürmək üçün köpükləndirici maddələrin kəskin çatışmazlığı var. Ona görə də yanğınsöndürənlər yanacağın yanıb bitməsinə nəzarət etməyə məcburdurlar”.
