ABŞ Konqresindəki respublikaçılar yeni seçilmiş prezident Donald Trampa “Qrenlandiyanı Danimarkadan satın almaq” səlahiyyətini verən qanun layihəsini Nümayəndələr Palatasına təqdim ediblər.Amerika mediasında yer alan və “Qrenlandiyanı yenidən möhtəşəm et” başlığı ilə təqdim edilən qanun layihəsini respublikaçı konqresmen Endi Oqles hazırlayıb.Nümayəndələr Palatasında bir çox respublikaçı tərəfindən dəstəklənən qanun layihəsi Trampa prezident olduqdan sonra “Qrenlandiyanı almaq üçün Danimarka ilə danışıqlara başlamaq” səlahiyyətini verir.Həm Nümayəndələr Palatasında, həm də Senatda çoxluğa sahib olan respublikaçılar çox güman ki, qanun layihəsini Konqresin hər iki palatasında qəbul edəcəklər.Qanun layihəsinin qanuna çevrilməsi üçün həm Nümayəndələr Palatası, həm də Senatdan keçməli və prezident tərəfindən imzalanmalıdır.ABŞ-ın yeni seçilmiş prezidenti Tramp bundan əvvəl ABŞ-ın milli və iqtisadi maraqları üçün Qrenlandiyanı almaq istədiyini bildirmişdi.
