Moskvada Federal Təhlükəsizlik Xidmətinin (FSB) əks-kəşfiyyat zabiti iş yerində öldürülüb.
Reyting.az “Nexta”ya istinadla bildirir ki, insident yanvarın 13-nə keçən gecə Olxovskaya küçəsi, 25 ünvanında, Müdafiə Nazirliyinin strukturları və FSB-nin Moskva Hərbi Dairəsi üzrə İdarəsinin yerləşdiyi binada baş verib.
Baş leytenant Vladimir Feşçenkonun alnında yara aşkar edilib. Bundan əvvəl zabit Uzaq Şərqdə xidmət etdiyi köhnə bir yoldaşını işinə gətiribmiş.
Məlumata görə, Feşçenko dünya şöhrətli idmançı olub. Bir vaxtlar o, kettlebell qaldırma üzrə mütləq Avropa çempionu adını qazanıb.
Qeyd edilir ki, qətli törətməkdə şübhəli bilinən şəxs saxlanılıb.
ELÇİN
