“Fransa prezidenti Emmanuel Makron terrorla mübarizədə Parisin köməyinə görə afrikalıların nankorluqları haqda dediyi sözlərlə onları təhqir edib.” Bunu Burkina-Fasonun keçid dövrünün prezidenti İbrahim Traore deyib.
Bundan əvvəl Makron, Sahel bölgəsində terrorla mübarizəyə görə Fransaya “təşəkkür etməyi unutmuş” Afrika ölkələrindən gileylənmişdir.
Traorenin sözlərinə görə, belə sözlər bütün afrikalıları təhqir edir.
Burkina Faso lideri Makronun “nankorluq insanlar üçün yoluxucu olmayan xəstəlikdir” ifadəsinə də diqqət çəkib.
“Bu adam Afrika və Afrikalıları belə görür. Onun üçün biz insan deyilik”, – deyə Traore bildirib.
Ölkə başçısı əlavə edib ki, məhz afrikalıların sayəsində Fransa bu günə qədər mövcud ola bilib.
Daha əvvəl bildirilmişdi ki, Makronun Fransada bəyənmə reytinqi artıq son altı ilin ən aşağı səviyyəsinə düşüb.
