Monqolustan Prezidenti Khurelsux Uxnaa Türkiyə Respublikasının Prezidenti Rəcəb Tayyib Ərdoğanın dəvəti ilə 2025-ci il yanvarın 15-dən 19-dək Türkiyə Respublikasında dövlət səfərində olacaq.
Bu dövlət səfəri Monqolustan və Türkiyə Respublikası arasında diplomatik əlaqələrin qurulmasının 55-ci ildönümü çərçivəsində təşkil olunacaq və Monqolustan Prezidentinin 20 ildə Türkiyə Respublikasına ilk səfəri olacaq. Dövlət səfəri çərçivəsində hər iki dövlət başçısının təkbətək görüşləri, rəsmi danışıqları və mətbuat konfransı keçiriləcək.
Bundan əlavə, tərəflər ətraf mühitin mühafizəsi, yollar, nəqliyyat, infrastruktur, meşə təsərrüfatı və hüquq sahələrində əməkdaşlığa dair 10-dan çox sənəd, o cümlədən “Gənclər və idman sahəsində əməkdaşlıq”, “Əməkdaşlıq haqqında” hökumətlərarası sazişlər imzalayacaqlar.
Oxuməni.az
