PSJ-nin hücumçusu Randal Kolo Muani karyerasını İtaliya A Seriyasında davam etdirməyə yaxındır.
Sportal.az xəbər verir ki, "Yuventus" fransalı futbolçunu heyətinə qatmaq üzrədir. Bu barədə insayder Fabritsio Romano məlumat yayıb.
Artıq klublar arasında Kolo Muaninin mövsümün sonuna qədər icarəyə verilməsi ilə bağlı razılıq əldə olunub. "Yuventus" 26 yaşlı forvardın qərarını gözləyir.
"Tottenhem" də futbolçunun xidmətində maraqlıdır.
Qeyd edək ki, PSJ Randal Kolo Muanini 2023-cü ilin sentyabr ayında "Ayntraxt"dan transfer edib. Fransa millisinin üzvü bu mövsüm Paris təmsilçisinin heyətində meydana çıxdığı 14 rəsmi matçda 2 qol və 1 məhsuldar ötürmə ilə yadda qalıb.
saytlarin hazirlanmasi
