Vergi və Mühasibatlıq Zirvə toplantısı bu il daha innovativ və maraqlı yeniliklərlə yadda qalacaq

1 mart tarixində Gülüstan sarayında keçiriləcək Vergi və Mühasibatlıq Zirvə Toplantısı keçiriləcək. Tədbir iştirakçılara yalnız sektordakı ən aktual trendləri öyrənmək deyil, həm də bu sahədəki ən qabaqcıl texnologiyalar və metodologiyalarla tanış olmaq imkanı təqdim edəcək. Zirvə toplantısının təşkilatçıları ilə müsahibəni təqdim edirik.

- Biz "Facemark" şirkəti olaraq ölkəmizdə müxtəlif sahələrə dair tədbirlər təşkil edirik. Bunlardan biri də insanların hər il maraqla gözlədiyi Vergi və Mühasibatlıq Zirvə Toplantısıdır. Hansı ki bu il üçüncü dəfə "Good Finance" şirkəti ilə birlikdə təşkil edirik. Tədbir bu il daha innovativ və maraqlı yeniliklərlə yadda qalacaq. Öncəki illərin uğurunu nəzərə alaraq, bu il tədbirin məzmunu daha da genişləndiririk. Müzakirə mövzuları da bir qədər fərqlənəcək - vergi və mühasibatlıq sahəsindəki yeni qanunvericilik dəyişikləri, rəqəmsal texnologiyaların tətbiqi, mühasibatlıq sistemlərində süni intellektin istifadəsi kimi mövzulara geniş yer veriləcək. Hər tədbirimizdə olduğu kimi, VMZ2025-də də iştirakçılara peşəkar əlaqələr qurmaq, yeni biliklər əldə etmək və sahənin öncül mütəxəssisləri ilə bir araya gəlmək imkanı təqdim ediləcək.

- Hazırda təşkilati işlər sürətlə irəliləyir. Tədbirin məkan və proqram məsələləri artıq dəqiqləşib, spikerlər və mütəxəssislərlə əlaqələr qurulub. İştirakçılar üçün qeydiyyat prosesinə başlanılıb və tədbirə hazırlıq məqsədilə müxtəlif marketinq və reklam kampaniyaları həyata keçirilir.

Öncəki illərə nisbətən iştirakçılar arasında maraq əhəmiyyətli dərəcədə artıb. Bu il iştirakçılar daha geniş bir auditoriyanı əhatə edəcək, çünki mühasibatlıq və vergi sahəsindəki yeniliklərə maraq böyükdür. Yeni qanunvericilik, rəqəmsal texnologiyaların tətbiqi və bu sahədəki dəyişikliklər, xüsusən biznes sahəsindəki peşəkarlar üçün tədbirin əhəmiyyətini artırıb. Bu da tədbirə olan marağın yüksəlməsinə əsas səbəbdir.

- Əsas olaraq onu qeyd edim ki, vergi və mühasibatlıq sahəsində daha dərindən məlumat əldə etmək, sektordakı yeni trendləri və qanunvericilik dəyişikliklərini öyrənmək istəyirsinizsə, bu zirvə toplantısı sizin üçün möhtəşəm bir fürsətdir. Həmçinin, bu ilki zirvə iştirakçılara daha çox interaktiv imkanlar və praktik biliklər təqdim edəcək, buna görə də düşünürəm ki, VMZ2025 çox faydalı olacaq.

- Vergi və Mühasibatlıq Zirvə Toplantısı ölkəmizdə artıq üçüncü dəfədir ki, keçirilir və hər il artan maraqla qarşılanır. Bu zirvə, vergi və mühasibatlıq sahəsində çalışan peşəkarların bilik və təcrübə mübadiləsi üçün unikal platforma yaradır. Əvvəlki tədbirlərdə yüzlərlə mütəxəssis, sahibkar və dövlət nümayəndəsi iştirak edərək, sahə üzrə yenilikləri müzakirə edib və şəbəkələşmə imkanlarından faydalanıb. Bu uğur, tədbirin yüksək səviyyədə təşkil olunması və mövzuların aktuallığı ilə əlaqədardır.

- Builki zirvə toplantısında üç panel üzrə müzakirələr aparılması planlaşdırılır:

1. Maliyyə riskləri və uçot;

2. Peşəkar Mühasib Sertifikatı: qızıl bilet, yoxsa məcburiyyət?

3. Vergilər: menecment və vizyon.

Panellərdə ümumilikdə 16 spikerin iştirakı nəzərdə tutulub. Spikerlərin seçimi zamanı onların sahə üzrə dərin bilik və təcrübəsi, həmçinin aktual mövzulara dair məlumatlılığı nəzərə alınır. Əsas məqsəd, iştirakçılara ən son yenilikləri və praktiki tövsiyələri təqdim etməkdir.

- Toplantıda iştirak etmək istəyənlərə tövsiyəm odur ki, bu fürsəti qaçırmasınlar. Tədbir vergi və mühasibatlıq sahəsindəki yenilikləri öyrənmək, peşəkar əlaqələr qurmaq və biliklərini artırmaq istəyən hər kəs üçün əvəzsiz bir platformadır. Əvvəlki illərdə iştirak edənlər tədbirin faydalılığını yüksək qiymətləndiriblər. Bu il də maraqlı müzakirələr və dəyərli təqdimatlar gözlənilir.

- Vergi və Mühasibatlıq Zirvə Toplantısı ölkəmizdə biznes mühitinin inkişafına böyük töhfə verir. Əvvəlki iki "Zirvə"də mühasibatlıq və vergi sistemindəki yeniliklər geniş müzakirə olunub, iştirakçılar sektordakı qlobal tendensiyalarla tanış olublar. Bu tədbirlər nəticəsində yerli şirkətlər daha effektiv idarəetmə modellərini mənimsəyərək, biznes dinamikasında mühasibatlıq və vergi sahələrinin əhəmiyyəti ətraflı müzakirə olunub. İndiki dinamik iş dünyasında, dəqiq maliyyə məlumatları əsasında qərarlar qəbul etmək mütləqdir və bu "Zirvə" şirkətlərə həmin bilikləri tətbiq etməyi öyrədir. Bundan əlavə, tədbir müxtəlif sektorlarda fəaliyyət göstərən mütəxəssislər arasında əlaqələr qurulmasına da şərait yaradır ki, bu da ümumilikdə biznes ekosistemini daha dayanıqlı edir.

- Hesabın gücü" sloqanı müasir biznes dünyasında mühasibatlıq və maliyyə sistemlərinin oynadığı kritik rolu vurğulayır. Əvvəlki "Zirvə"lərdə əldə olunan nəticələr göstərdi ki, hər uğurlu biznes strategiyasının arxasında dəqiq hesablar və məlumatların təhlili dayanır. Bu sloqan, mühasibatlıq və vergi sahəsinin yalnız əməliyyat deyil, həm də strateji qərarların verilməsində əsas rol oynadığını ifadə edir. Həmçinin, sloqan biznesin dinamikasına uyğun olaraq mühasibatlıq və vergi sistemlərinin bir-birinə inteqrasiya edilməsinin zəruriliyini də simvollaşdırır. İdeya, iqtisadi idarəetmənin mahiyyətini vurğulamaq və sahə mütəxəssislərinin gördüyü işlərin dəyərini ön plana çəkmək məqsədilə formalaşıb.

- Toplantıda iştirak etməklə, hər bir mütəxəssis və sahibkar, biznes idarəçiliyinə fərqli yanaşma tərzini öyrənəcək. Əvvəlki toplantılardan fərqli olaraq, bu il iştirakçılar üçün daha interaktiv formatlar hazırlanıb ki, bu da onları sektorda mövcud olan ən yaxşı təcrübələrlə tanış edəcək. Tədbirə qatılmaq, yalnız yeni biliklər əldə etmək deyil, həm də peşəkar şəbəkənizi genişləndirmək üçün əvəzolunmaz fürsətdir. "Hesabın gücü"nü öz bizneslərində tətbiq etmək istəyən hər kəsi Zirvədə görməkdən məmnun olacağıq. Əminəm ki, bu tədbir həm şəxsi, həm də korporativ inkişafınıza töhfə verəcək.