“Roketsan” şirkətinin “Kara ATMACA” raketi “Kale Arge” şirkətinin hazırladığı yerli KTJ-3700 turboreaktiv mühərriki ilə 400 km məsafədəki hədəfi dəqiqliklə vurub.
“Poliqon” “SavunmaSanayiST”ə istinadən xəbər verir ki, bunu 2024-cü ilin qiymətləndirilməsi və 2025-ci ilin hədəfləri ilə bağlı keçirilən mətbuat konfransında Türkiyənin müdafiə sənayesi başqanı Haluk Görgün açıqlayıb.
Qeyd edək ki, “Roketsan” şirkətinin daha əvvəl yaydığı məlumatda “Kara ATMACA” raketinin 280 km mənzilə sahib olduğu bildirilmişdi. H.Görgünün hazırkı açıqlaması isə bunu deməyə əsas verir ki, raketin mənzili 280 km-dən 400 km-yə çatdırılıb.
