"Qarabağ" heyətini hücumçu ilə gücləndirmək niyyətindədir.
Offsideplus.az xəbər verir ki, Ağdam təmsilçisi "Legiya"nın forvardı Miguel Alfarela ilə yaxından maraqlanır.
Bu barədə məlumatı Polşanın "goal.pl" saytı yayıb. Juninyonun gedişindən sonra boşluğu doldurmağa çalışan ağdamlılar fransalı ilə təmasa keçiblər.
27 yaşlı forvardın başqa təklifləri də var.
Qeyd edək ki, Miguel ötən ilin yayında "Bastiya"dan transfer edilmişdi. Varşava klubu Fransa təmsilçisinə keçid üçün 1 milyon avro ödəmişdi.
Hücumçu bu mövsüm 22 görüşdə 1 qol vurub, 2 məhsuldar ötürmə edib.
