Rəqəmsal imtahanlara keçid üzrə işlər görülür. SİA xəbər verir ki, bunu Dövlət İmtahan Mərkəzinin (DİM) İdarə Heyətinin sədri Məleykə Abbaszadə DİM-in keyfiyyət idarəetmə sisteminin təkrar auditinin nəticələrinə həsr olunmuş tədbirdə deyib.
Onun sözlərinə görə, bu barədə Elm və Təhsil Nazirliyi ilə danışıqlar aparılıb:
"Artıq "çiy qiymət"lərdən yeni qiymətləndirmə prosesinə keçməliyik. Bu ildən etibarən gələcəkdə imtahanların bir qisminin rəqəmsal şəkildə həyata keçirilməsi üçün addımlar atılacaq".
