"Əl-Nassr" klubu ilə yeni bir illik müqavilə imzalamağa hazırlaşan Kriştianu Ronaldonun əldə edəcəyi məbləğ bəlli olub.
Söz.az xarici KİV-ə istinadən xəbər verir ki, ulduz futbolçunun gündəlik qazancı 543 min funt sterlinq (1 milyon 128 min AZN) olacaq. Digər tərəfdən gündə 8 saat yatdığını bildirən Ronaldo yatarkən belə onun bank hesabına 181 min funt-sterlinq (376 min AZN) yatırılacaq.
Ronaldo hazırkı müqaviləsindən ildə 200 milyon avro qazanır.
Məlumata görə, futbolçu bir illik yeni müqaviləsinə görə 148 milyon funt sterlinq (308 milyon manat), qeyri-futbol fəaliyyətindən isə 49 milyon funt-sterlinq (101 milyon 778 min manat) qazanacaq.
Portuqaliyalı ulduz oyunçunun hesabına hər dəqiqə 377 funt sterlinq (783 AZN) əlavə edilir.
