Azərbaycan milli komandasının yarımmüdafiəçisi Emil Mustafayev Ukraynada klubunu dəyişib.
QOL.az xəbər verir ki, 23 yaşlı futbolçu "Polessye"dən "Çernomorets"ə keçib. Bu barədə Ukraynanın "football24" nəşri məlumat yayıb.
"Çernomorets" Emillə yanaşı, "Polessye"dən Boqdan Pançinişi də mövsümün sonuna qədər icarəyə götürüb. Emilin müqaviləsində satınalma bəndi yoxdur.
Odessa klubu Emillə mövsümün sonuna kimi icarə müqaviləsi bağlayıb. "Çernomorets" Ukryna Premyer Liqasında 17 turdan sonra 12 xalla 15-ci pillədə yer alıb.
Qeyd edək ki, Emil Mustafayev 2023-cü il iyulundan "Polessye"də çıxış edir. Onun klubu ilə müqaviləsi 2027-ci il iyununa qədərdir.
