İngiltərənin “Milluol” klubunun hücumameyilli yarımmüdafiəçisi Romen Esse bundan sonra “Kristal Pelas”ın uğurları üçün çalışacaq.
Arena.az xəbər verir ki, bu barədə Premyer Liqa təmsilçisi rəsmi saytı vasitəsilə məlumat yayıb.
“Kristal Pelas” bu transfer üçün 14,2 milyon avrosundan keçib. 19 yaşlı futbolçu yeni klubu ilə 2030-cu ilin 30 iyununadək nəzərdə tutulmuş müqaviləyə imza atıb. O, yeni komandasında 21 nömrəli formanı geyinəcək.
Əslən Kot-d’İvuardan olan Romen Esse “Milluol”un öz yetirməsidir. O, bu klubun əsas komandasının heyətində 66 oyuna çıxıb, 7 qol vurub, 1 məhsuldar ötürmə müəllifi olub.
Esse İngiltərənin U-18 və U-19 yığmalarında oynayıb, hazırda isə U-20-nin uğurları üçün çalışır.
“Transfermarkt” internet-portalı 19 yaşlı yarımmüdafiəçinin transfer dəyərini 5 milyon avro məbləğində qiymətləndirir.
