Çempionlar Liqasında sondan əvvəlki turun oyunları başa çatıb.
Yeniavaz.comxəbər verir ki, gecənin ən maraqlı oyunu Parisdə PSJ-nin meydanında baş tutub.
Belə ki, meydan sahibləri “Mançester Siti”yə qarşı görüşdə 56-cı dəqiqəyə qədər 0:2 hesabı ilə uduzsalar da, matçın sonunda 4:2 hesablı qələbəyə seviniblər.
İspaniya çempionu və Çempionlar Liqasının sonuncu qalibi “Real Madrid” doğma meydanda Avstriya “Zalsburq”unu 5:1 hesabı ilə məğlub edib.
İngiltərənin vitse-çempionu “Arsenal” isə Xorvatiyanın “Dinamo Zaqreb” komandası üzərində əzmkar qələbə qazanıb – 3:0.
İtaliya çempionu “İnter” səfərdə “Sparta Praqa”nı minimal hesabla məğlub edib – 0:1.
Gecənin sürprizi isə Niderlandda yaşanıb. Belə ki, Çempionlar Liqasının favoritlərindən hesab olunan Münhen “Bavariya”sı “Feyenord”a 3:0 uduzub.
Çempionlar Liqasının VII turu çərçivəsində ötən gecə baş tutan görüşlərin nəticələri belə olub:
"Real Madrid" - "Zalsburq": 5:1;
"Sparta" - "İnter": 0:1;
"Milan" - "Jirona": 1 :0;
"Arsenal" - "Dinamo Zaqreb": 3 :0;
"Seltik" - "Yanq Boyz": 1 :0;
"Feyenoord" - "Bavariya": 3:0;
PSJ - "Mançester Siti": 4:2;
"RB Leipzig" - "Sportinq": 2:1;
"Şaxtyor Donetsk" - "Brest": 2:0.
