Hollivud ulduzu Riçard Qir və həyat yoldaşı Aleksandra Silva “Elle” jurnalının İspaniya nəşrinin fevral buraxılışında əsas sima olublar.
“Qafqazinfo” xəbər verir ki, sevgi hekayələrini bölüşən cütlük dərgi üçün fotosessiya etdirib.
Bu yaxınlarda xanımı ilə birlikdə İspaniyaya köçdüyünü deyən 75 yaşlı aktyor həmişəkindən daha xoşbəxt olduqlarını bildirib: “O, evdə olduğu üçün, mən isə o xoşbəxt olduğuna görə xoşbəxtəm”.
41 yaşlı Aleksandra da onları bir çox dəyərlərin birləşdirdiyini açıqlayıb: “Bizim dəyərlərimiz eynidir, dünyanı eyni cür görürük və ilk andan bir-birimizi çoxdan tanıdığımızı hiss etmişik. Bu, həyatda bir dəfə baş verir... Bizi keçmiş həyatlarımızın karması birləşdirib”.
Xatırladaq ki, cütlük 2018-ci ildə nikaha girib və onların 6 və 5 yaşlı iki oğlu var.
