Almaniyanın bir sıra şəhərlərində radikal sağçılara qarşı keçirilən etiraz aksiyaları genişmiqyaslı xarakter alıb. “Sağa qarşı” şüarı altında baş tutan bu mitinqlərdə minlərlə insan iştirak edib. "Ulusum".az xəbər verir ki, DW-nin məlumatina görə, ən böyük aksiyalardan biri Berlin şəhərində təşkil olunub. Paytaxtın mərkəzi meydanlarında toplaşan etirazçılar sağçı ideologiyaların artmasına və cəmiyyətdə bölücülüyə səbəb olan fikirlərə qarşı birlikdə mübarizə aparmağa çağırıblar.Etirazlar Almaniyanın digər şəhərlərində də keçirilib. Münhen, Hamburq və Frankfurt kimi şəhərlərdə sakinlər küçələrə çıxaraq radikal sağçılara qarşı birgə mövqe nümayiş etdiriblər.Mitinqlərdə müxtəlif siyasi və ictimai təşkilatların nümayəndələri iştirak edib, demokratik dəyərlərin qorunmasının əhəmiyyəti vurğulanıb. Tədbirlərdə nifrətə və ayrı-seçkiliyə qarşı şüarlar səsləndirilib.Aksiyalar dinc şəraitdə baş tutub və yerli hüquq-mühafizə orqanlarının nəzarəti altında keçirilib. Bu mitinqlər radikal sağçı ideologiyaların yüksəlişi ilə narahat olan Almaniya cəmiyyətinin geniş dəstəyini nümayiş etdirib.Səidə
Diqqət Çəkənlər
Türkiyə Prezidenti Ərdoğan 29 yüksək vəzifəli məmuru vəzifədən azad edib
Türkiyənin Milli müdafiə naziri Hikmət Mirzəyevi qəbul edib
Slovakiyada on minlərlə insan Baş nazir Ficonun siyasətinə etiraz edib
