Ötən il Bakıda neçə svetofor quraşdırılıb?

Daxili İşlər Nazirliyi Nəqliyyatı İntellektual İdarəetmə Mərkəzi tərəfindən 2024-cü ildə paytaxtın müxtəlif küçə və prospektlərində ümumilikdə 389 svetofor quraşdırılıb.

Bizim.Media xəbər verir ki, bu barədə NİİM-in məlumatında deyilir.

Onlardan 235-i avtomobil, 154-ü isə piyada svetoforudur. Bununla yanaşı, 25 yolayrıcındakı svetoforlardan 10-da vaxt planı, 15-də isə iş rejimi dəyişdirilib. 

Nəticədə nəqliyyat sıxlığı azalıb, qəza şəraiti aradan qalxıb.

Nəqliyyatı İntellektual İdarəetmə Mərkəzi tərəfindən cari ildə də tədbirlər planı çərçivəsində işlər davam etdiriləcək.

Bizim.Media