Cənubi Koreyanın Kimxe beynəlxalq hava limanında "Air Busan" sərnişin təyyarəsi yanıb.
Yanğın, göyərtəsində 176 nəfərin olduğu Honq-Konqa uçuşdan əvvəl başlayıb.
Qaziler.az bildirir ki, bu barədə "Yonhap News" xəbər verir.
Nəşrin məlumatına görə, ölkənin cənub-şərqindəki Busan şəhərindəki beynəlxalq hava limanında sərnişin təyyarəsi yanıb.
Yanğınsöndürmə idarəsi bildirib ki, Gimhae Beynəlxalq Hava Limanından Honq-Konqa uçan Air Busan təyyarəsi çərşənbə axşamı yerli vaxtla saat 22:26 radələrində havaya qalxmazdan əvvəl quyruq hissəsində yanıb.
Təyyarədə olan 169 sərnişinin və yeddi ekipaj üzvünün hamısının təxliyyə edildiyi məlum olub. Təxliyə zamanı 3 nəfər yaralanıb.
Qeyd olunur ki, yanğın təyyarənin quyruğundan başlasa da, alov təyyarənin gövdəsinə də keçib.
QAZİLER.AZ
