“Zirə”nin əsas futbolçusu ZƏDƏLƏNDİ

"Zirə"nin heyətində ciddi itki baş verib.

Bizim.Media xəbər verir ki, "qartallar"ın yarımmüdafiəçisi Yusuf Laval sıradan çıxıb. Nigeriyalı futbolçu Premyer Liqanın 20-ci turunun "Şamaxı" ilə səfər matçında (2:1) zədələnib. Lavalın zədəsi ciddidir. 

26 yaşlı oyunçu əməliyyat olunacaq. O, təxminən 3-4 ay yaşıl meydanlardan kənar qalacaq.

Qeyd edək ki, Yusuf Laval ötən ilin sentyabr ayından "Zirə"də çıxış edir. Yarımmüdafiəçi qəsəbə təmsilçisinin heyətində meydana çıxdığı 10 rəsmi matçda 1 qol vurub.

Rəşad Rafiqoğlu, Bizim.Media