"Liverpul"un cinah hücumçusu Məhəmməd Salah PSJ-dən təklif alıb.
Fanat.Az xəbər verir ki, informasiyanı sosial şəbəkə hesabı üzərindən “Eurosport”un jurnalisti Romen Kolle Qoden yayıb.
Xəbə görə, Paris klubu misirli futbolçu ilə həftəlik 500 min avro məvacib foninda 3 illik müqavilə bağlamaq istəyir.
Mənbə "Liverpul"un da vingeri ilə bağlı planının detallarını açıqlayıb
Yazılanlara inansaq, Mersisayd təmsilçisi vingerinə həftəlik 400 min avro maaş ilə ikiillik yeni anlaşma təklif etməyə hazırdır.
Salahın “qırmızılar”la hazırkı müqaviləsinin müddəti bu ilin yayına qədər nəzərdə tutulub.
32 yaşlı Salah 2017/18 mövsümündən “Liverpul”un şərəfini qoruyur. Cari mövsüm İngiltərə Premyer Liqasında 18 matça çıxan Mo 17 qol və 13 məhsuldar ötürmə ilə yadda qalıb.
