"Şanxay Əməkdaşlıq Təşkilatı (ŞƏT) üçün valyutanın yaradılması üzrə iş hələ də müzakirə olunur".
Teleqraf.com xəbər verir ki, bunu qurumun baş katibi Nurlan Ermekbayev deyib.
Onun sözlərinə görə, hazırda ŞƏT-ə üzv ölkələrin ödəniş sistemləri qlobal ödəniş sisteminə inteqrasiya olunub və müəyyən valyutalarla bağlıdır.
"Milli valyutaların payının artırılması zərurətini başa düşürük", - deyə Ermekbayev əlavə edib.
Xatırladaq ki, Hindistan, Qazaxıstan, Qırğızıstan, Çin, Pakistan, Rusiya, Tacikistan, İran və Özbəkistan həmin təşkilata üzvdür.
Müəllif: Məlik Məlikov
