Azərbaycan Premyer Liqasında mübarizə aparan “Sabah” və “Şamaxı” komandaları bu gün yoxlama oyununda qüvvələrini sınayıblar.
Arena.az xəbər verir ki, sözügedən komandalar “bayquşlar”ın ev oyunlarını keçirdiyi “Masazır Arena”da üz-üzə gəliblər.
Qarşılaşma hərəsi 40 dəqiqədən ibarət 3 hissə davam edib. Matç Bakı təmsilçisinin 2:0 hesablı qələbəsi ilə başa çatıb. Qolları Jesse Sekidika və Xəyal Əliyev vurublar.
Qeyd edək ki, bu, bakılıların qış hazırlığında ilk yoxlama matçı olub. “Şamaxı” isə ilk sınaq oyununda “Zirə” ilə qarşılaşmış və 1:3 hesabıyla uduzmuşdu.
“Sabah” hazırda Azərbaycan Premyer Liqasında 26 xalla 5-ci, “Şamaxı” isə 17 xalla 7-ci pillədə qərarlaşıb.
Yoxlama oyunu
12 yanvar
Sabah – Şamaxı 2:0
Qollar: Jesse Sekidika, Xəyal Əliyev.
