Ronaldo “Əl Nəsr”də QALACAQ

Kriştiano Ronaldo daha bir mövsüm Səudiyyə Ərəbistanında qalacaq.

Bizim.Media xəbər verir ki, bu barədə jurnalist Mutab Əl-Avad məlumat yayıb.

"Əl-Nəsr" 39 yaşlı hücumçu ilə müqavilənin müddətini 2026-cı ilin iyununa qədər uzatmaq üçün ilkin razılığa gəlib.

Ronaldo yeni müqaviləyə əsasən, ilinə 200 milyon avro qazanacaq. Onun həftəlik qazancı, təxminən 3,8 milyon avro olacaq. Portuqaliyalı futbolçunun Ər-Riyad klubu ilə hazırkı müqaviləsi bu mövsümün sonunda başa çatır.

Qeyd edək ki, Ronaldo cari mövsüm Səudiyyə Ərəbistanı çempionatında 13 oyun keçirib və 11 qol vurub.

Rəşad Rafiqoğlu, Bizim.Media