Bakı Şəhər DYP İdarəsinin bölmə rəisi polis kapitanı Toğrul Nəsirli Avtosfer.az-ın sorğusuna cavab olaraq bildirdi ki, sözügedən videogörüntü ilə əlaqədar müvafiq araşdırma aparılıb və "Ford" markalı, 77-TB-851 dövlət qeydiyyat nişanlı nəqliyyat vasitəsinin sürücüsü aşkarlanaraq barəsində qanunamüvafiq tədbir görülüb. Həmin sürücü Xəzər rayon DYP Şöbəsinin əməkdaşları tərəfindən saxlanılıb və cəzalandırılıb.
***
Bakıda baş verən yol-nəqliyyat hadisəsini avtomobildəki kamera qeydə alıb. Avtosfer.az-ın məlumatına görə, hadisə yanvarın 12-də Pirallahı-Zirə yolunda baş verib.
Belə ki, 77-TB-851 dövlət nömrə nişanlı "Ford" markalı avtomobilin sürücüsü yüksək sürətlə hərəkət edərək svetoforda qırmızı işıqdan keçib. Bu zaman stop xəttinin qarşısında dayanan 99-OF-967 dövlət nömrə nişanlı "Lada" markalı avtomobili vurub və hadisə yerindən uzaqlaşıb. Qəza nəticəsində avtomobilə maddi ziyan dəyib.
Hadisə anını əks etdirən videonu təqdim edirik.
Fərid
