"Qarabağ"dan Juninyonu transfer edən Braziliyanın "Flamenqo" klubu bu dəfə Neymarı da heyətinə qatmaq istəyir.
"Goal" nəşri xəbər verir ki, hazırda Səudiyyə Ərəbistanında işləri yolunda getməyən Neymar mövsüm sonunda ölkəsinə qayıdaraq buradakı klublardan birində çıxış etmək istədiyini bildirib.
"Flamenqo"nun nümayəndələri "Əl-Hilal" klubunun rəhbərliyi ilə görüşərək futbolçunu mövsüm sonunda transfer etmək istədiklərini deyiblər.
Xatırladaq ki, "Flamenqo" klubu "Qarabağ"ın ulduzu Juninyo üçün beş milyon avro ödəmişdi.
Qeyd edək ki, Neymar bu mövsüm "Əl-Hilal" forması ilə ümumilikdə cəmi iki oyunda meydana çıxıb.
“Cebheinfo.az”
