Ağ Evdə çıxış edən ABŞ prezidenti Donald Tramp Ukrayna ilə bağlı danışıqlara getməyəcəyi təqdirdə Rusiyaya qarşı yeni sanksiyaların tətbiq oluna biləcəyini deyib.
Editor.az xəbər verir ki, bu barədə “Bloomberg” yazıb. Donald Tramp Rusiya prezidenti Vladimir Putinlə təmasların “çox yaxında” baş tutacağını bildirib. Tramp Rusiya prezidentini “ağıllı” adlandıraraq deyib ki, o, Vladimir Putinin ABŞ-ın keçmiş prezidenti Co Baydenə hörmət etmədiyini deyib. “O, Baydenə hörmət etmirdi.
O, ağıllıdır, başa düşür, Baydenə hörmət etmirdi”, – Donald Tramp bildirib.
Ukraynaya silah tədarükünə gəlincə, Donald Tramp bildirib ki, bu məsələ nəzərdən keçirilir. Eyni zamanda o, hərbi təchizatın dayandırılması perspektivinin də öyrənildiyini bildirib.
//Samir Qurbanov, Editor.az
