Bu sözləri Demokrat.az-a açıqlamasında "Cümhuriyyət" qəzeti və "Cebhe.info" xəbər portalının rəhbəri, siyasi şərhçi Rəfail Becanov deyib.
O bildirib ki, bunun qarşısı alınmalıdır:
"Ən sərt cəzalar tətbiq olunmalıdır ki, kimsə sosial şəbəkələrin yaratdığı imkandan sui-istifadə edib başqalarını təhqir etməsin, işgüzar nüfuzuna zərər vurmasın. Amma real durum nədir? Yenə də eyni qaydada insanlar təhqir olunur, kimin kimdən xoşu gəlmir sosial şəbəkələrdə onunla bağlı şantaj kampaniyası aparır. Hüquq-mühafizə orqanlarının bu istiqamətdə apardığı profilaktik tədbirlər təqdir olunmalıdır. Onlar tərəfindən yalan məlumat yayanlar, söyüş, təhqir yazanlarla bağlı qanunvericilyə uyğun ölçülər götürülür, cəzalar tətbiq olunur. Amma sosial şəbəkələrin arealı o qədər böyükdür ki, hamısının qarşısını almaq olmur".
O hesab edir ki, bütün sosial şəbəkələrin Azərbaycanda nümayəndəliyi olmalıdır:
"Onların daxili imkanları, proqramlar vasitəsi ilə sosial şəbəkə özbaşınalığının qarşısı alınmalıdır. Sosial şəbəkələrin virtual ünsiyyət, məlumat platformasına çevrilməsi üçün bu vacibdir. Yazışmalarla okeanın o tayında, yaxud hansısa başqa bir dövlətdə olan platforma yayımçıları ilə praktik iş qurmaq çətindir. “Tiktok” şəbəkəsi sosial platformaların içində ən çox yalan informasiyaların yayıldığı, təhqir və “fake” məlumatların olduğu bir virtual məkandır. İnsanları bu platformada daha çox aldadırlar, yalan informasiyayla yükləyirlər. Ona görə də bu platformaya xüsusi yanaşmalı və baş verən əcaibliklərin qarşısı alınmalıdır. Əgər belə davam edərsə, onu da müzakirə etmək olar. Xalqın maraqlarına zidd olan, onun mentalitetinə zərər vuran istənilən bir məsələdə radikal addım atmaq mümkündür".
Əfsanə Kamal
Demokrat.az
10Mənbələr
-
demokrat.azRəfail Becanov: ""Tiktok" ən çox yalan informasiyaların yayıldığı, təhqir və “fake” məlumatların olduğu məkandır" ( 14992123)
-
cebheinfo.az"Prezidentin Qərbi Azərbaycana qayıdışla bağlı çıxışı Ermənistanda təşviş yaradıb" - Rəfail Becanov ( 14779043)
-
az.trend.az"Meta" sosial şəbəkələrdəki qadağaları yumşaldır - Yeniliklər hansı fəsadları gətirəcək? ( 14683707)
-
olaylar.azSosial şəbəkədə "monitor şir"i olanları hansı cəza gözləyir? ( 14597803)
-
demokrat.azSosial şəbəkədə "monitor şir"i olanları hansı cəza gözləyir? ( 14597625)
-
milli.azSosial şəbəkədə "monitor şir"i olanları hansı cəza gözləyir? ( 14597455)
-
konkret.azTiktok istifadəçilərinin aqibəti necə olacaq? – Vacib açıqlama ( 14475187)
-
yenisabah.azTiktok istifadəçilərinin aqibəti necə olacaq? - Vacib açıqlama ( 14474929)
-
nocomment.azTikTok-çu bandaların həbsi ilə bağlı ŞOK DETALLAR ( 14412727)
-
Reportyor.tvTikTok-çu bandaların həbsi ilə bağlı ŞOK DETALLAR ( 14411428)