"Fənərbaxça" "Əl-Nəsr"dən transfer olunan Anderson Taliska ilə müqavilə imzalayıb.
Bakıvaxtı.az xəbər verir ki, bu barədə İstanbul klubunun mətbuat xidməti məlumat yayıb. 30 yaşlı hücumçu ilə imzalanan sözləşmənin müddəti 1,5 ildir.
Qeyd edək ki, Anderson Taliska 2021-ci ilin yayından "Əl-Nəsr"də çıxış edib. Braziliyalı futbolçu bu mövsüm Səudiyyə Ərəbistanı təmsilçisinin heyətində meydana çıxdığı 19 rəsmi matçda 8 qol vurub. O, daha əvvəl Türkiyə "Beşiktaş"ında çıxış edib. Taliska 2016-2018-ci illərdə İstanbul klubunda 55 oyuna çıxıb və 27 qol vurub.
