Neft hasilatı və qiymətlərin enməsinə baxmayaraq, Qazaxıstan iqtisadiyyatı 2024-cü il ərzində 4,8 faiz artıb. Qazaxıstan Mərkəzi Bankının sədri Timur Süleymenov ölkədə ümumi inflyasiyanın 8,6 faizə düşdüyünü və 2023-cü ilin pik həddi ilə müqayisədə 2,5 dəfə aşağı olduğunu bildirib. Bundan əlavə, ölkədə ərzaq inflyasiyası 5,5 faiz, qeyri-ərzaq inflyasiyası isə 8,3 faiz təşkil edib.
Hafta.az-ın yazdığına görə, mənzil və kommunal xidmətlərin tarifləri 21,1 faiz bahalaşıb. Bu artım 600 milyard təngə (təxminən 1,1 milyard dollar) investisiya cəlb etməklə iqtisadi artıma töhfə verib.
Geosiyasi gərginlik və xarici valyutaya tələbin artması fonunda təngənin məzənnəsi 15,5 faiz dəyər itirib. Bu vəziyyəti tarazlaşdırmaq üçün Qazaxıstan Milli Bankı valyuta müdaxilələri və yarı-dövlət sektorundan gələn valyuta gəlirlərinin 50 faizinin məcburi satışı kimi tədbirlər görüb.
Qazaxıstanın qızıl-valyuta ehtiyatları 2024-cü ilə qədər 27,4 faiz artaraq 45,8 milyard dollara çatıb. Bu, ölkəyə 7,4 aylıq idxalı ödəmək imkanı verir. Bundan əlavə, Milli Fondun aktivləri 58,8 milyard dollara yüksəlib. Digər tərəfdən, Qazaxıstan Mərkəzi Bankı rəqəmsal tengedən istifadə üçün pilot layihələrə start verib. Bu layihələr subsidiyaların şəffaflığını artırmaq və kredit monitorinqini asanlaşdırmaq məqsədi daşıyır. Yeni yaradılmış Fırıldaqçılıqla Mübarizə Mərkəzi 1,5 milyard təngə (təxminən 2,8 milyon dollar) dəyərində dələduzluq fəaliyyətinin qarşısını alıb.
