Yanvarın 31-də “Landmark” Biznes Mərkəzində kişi və qadınlar arasında şahmat üzrə Azərbaycan çempionatının açılış mərasimi keçiriləcək. SİA xəbər verir ki, ölkə şahmatında ilk dəfə Azərbaycanın bütün titullu şahmatçıları, milli komandaların üzvləri çempionatda mübarizə aparacaq. Azərbaycan Şahmat Federasiyası ölkə çempionatının tanıtım videoçarxını sizə təqdim edir.
Xatırladaq ki, kişi şahmatçıların çempionatının ümumi mükafat fondu 60 min, qadınlarda isə 30 min manat təşkil edir. Reqlamentə əsasən kişilər arasında çempionatın qalibi 20 min, qadınların turnirində birinci yerin sahibi isə 10 min manat qazanacaq.
Azərbaycan çempionatının bütün oyunları internet üzərindən canlı təqdim olunacaq.
https://www.youtube.com/watch?v=LsRJrC_E-_s
