ABŞ-nin paytaxtı Vaşinqtonda hərbi helikopterlə toqquşma nəticəsində qəzaya uğramış “American Airlines” aviaşirkətinə məxsus sərnişin təyyarəsinin qara qutuları tapılıb.
"Operativ Media" xəbər verir ki, bu barədə “ABC News” mənbəyə istinadən məlumat yayıb.
“American Airlines”a məxsus təyyarənin qara qutuları kimi tanınan uçuş məlumatları qeydiyyatçısı və kabina səs qeydiyyatçısı tapılıb və Milli Nəqliyyat Təhlükəsizliyi Şurasının laboratoriyasına göndərilib”, – telekanalın məlumatında qeyd olunub.
Xatırladaq ki, ötən gün “American Airlines” şirkətinə məxsus “Bombardier CRJ700” təyyarəsi Vaşinqtonda Reyqan Milli Aeroport yaxınlığında “Sikorsky H-60 Black Hawk” hərbi helikopteri ilə toqquşduqdan sonra Potomak çayına düşüb. Fövqəladə xidmətlərin nümayəndələri hadisədən sonra sağ qalanların olmadığını ehtimal ediblər. Bundan başqa, ABŞ Prezidenti Donald Tramp da təyyarə və helikopterin toqquşması nəticəsində sağ qalanın olmadığını açıqlayıb.
