Vaşinqtonda sərnişin təyyarəsi ilə hərbi helikopterin toqquşması nəticəsində həlak olan 40 nəfərin cəsədi aşkar edilib.
“Qafqazinfo” xəbər verir ki, bu barədə məlumatı “CBS” telekanalı yayıb.
Bildirilib ki, cəsədlərin bəziləri təyyarənin qalıqlarının düşdüyü Potomak çayından, bəziləri isə sahildən tapılıb.
Ehtimallara görə, cəsədlərin bəziləri təyyarənin hələ dalğıclar üçün əlçatmaz olan quyruq hissəsindədir.
Bununla yanaşı, bu gün təyyarənin qalıqlarının çaydan çıxarılmasına başlanılacaq.
Xatırladaq ki, hadisə dünən səhər saatlarında baş verib. Hava gəmisinin göyərtəsində 64 nəfər olub, onlardan dördü ekipaj üzvüdür. Helikopterdə isə 3 hərbçinin olduğu məlumdur. ABŞ Prezidenti Donald Tramp qəza nəticəsində sağ qalanların olmadığını açıqlayıb.
