Aparıcı Avropa çempionatlarından üç məşhur futbolçu bu qış Səudiyyə Ərəbistanı çempionatına keçə bilər.
Publika.az xəbər verir ki, bu barədə "Fichajes" məlumat yayıb.
Mənbənin sözlərinə görə, söhbət “Brayton”un yaponiyalı vingeri Kaoru Mitome, “Real”ın braziliyalı vingeri Rodriqo və “Vilyarreal”ın ispaniyalı yarımmüdafiəçisi Alexandro Baenadan gedir.
“Əl-Nəsr” yaponiyalı futbolçu üçün 65 milyon avro təklif edib. İngiltərə klubu bu təklifi rədd edib. Lakin Səudiyyə klubu transferdə israrlıdır və daha çox pul təklif etməyə hazırdır.
"Əl-Hilal" "Real"dakı daxili rəqabətdən yararlanmağa və Rodriqo ilə müqavilə imzalamağa çalışır. Lakin Məhəmməd Salah onların prioritet hədəfi olaraq qalır.
