ATƏT-in Minsk Qrupu (onun həmsədrləri Rusiya, ABŞ və Fransadır) bütün institutları ilə beynəlxalq danışıqlar formatı kimi bərpa edilə bilməz. Ulusal.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə bildirib. “Bunun bütün strukturları, hətta ümumiyyətlə, Minsk Konfransı, bu Minsk Qrupu, yüksək səviyyəli planlaşdırma qrupu və Dağlıq Qarabağ nizamlanması üzrə ATƏT-in fəaliyyətdə olan sədrinin şəxsi sədri vəzifəsini desək, onlar ləğv edilməlidir”, – diplomat bildirib.
O vurğulayıb ki, bu məsələ ilə bağlı qərar qəbul etməyin optimal yolu “yuxarıda qeyd olunan qurumların aradan qaldırılması ilə bağlı Bakı və İrəvanın birgə təklifidir”. Rusiya Xarici İşlər Nazirliyinin rəsmi nümayəndəsi xatırladıb ki, 2022-ci ildə “qrupun amerikalı və fransız həmsədrləri sadəcə olaraq oradakı işlərini dayandırıblar”. “Ermənistan, Azərbaycan, Aİ və Fransanın [iştirakı ilə] keçirilən zirvə görüşündən sonra Ermənistan da Qarabağı Azərbaycanın ayrılmaz hissəsi kimi tanıdı. Bu, 2022-ci il oktyabrın 6-da Praqada oldu. Digər şeylərlə yanaşı, 2023-cü ilin sentyabrında yerlərdə vəziyyət kəskin şəkildə dəyişdi”, – Zaxarova qeyd edib.
