2024/25-ci illər mövsümü Azərbaycan Basketbol Liqasında (ABL) müntəzəm çempionat başa çatıb.
Bizim.Media xəbər verir ki, bu gün XX turun son iki qarşılaşması keçirilib.
A qrupunun lideri "Sabah" ikinci pillədəki "Naxçıvan"a qalib gəlib - 111:89. Günün digər qarşılaşmasında "Gəncə" "Sumqayıt" üzərində 94-92 hesablı çətin qələbə qazanıb.
Qeyd edək ki, bu nəticələrdən sonra "A" qrupunun lideri "Sabah", ikinci sıranın sahibi "Naxçıvan" və qrupun ən güclü 3-cü komandası "Neftçi" birbaşa pley-off-a vəsiqəni təmin ediblər. Adı çəkilən klublarla yanaşı "B" qrupunu ilk pillədə bitirmiş "Şəki" klubu da, birbaşa pley-off mərhələsinə yüksəlib.
Reqlamentə əsasən digər klublar mübarizəyə pley-in mərhələsindən start verəcəklər. Pley-in cütlükləri:
"Sumqayıt"-"Sərhədçi", "Gəncə"-"Lənkəran", "Ordu"-"Quba" və "Abşeron"-NTD.
Qeyd edək ki, pley-in mərhələsində ən tez iki qələbə qazanmış klublar pley-off-aa vəsiqə qazanacaqlar.
Rəşad Rafiqoğlu, Bizim.Media
