İsrail hökuməti tərəfindən 2024-cü ilin avqustunda müdafiə büdcəsi və təhlükəsizlik strategiyasını təhlil etmək üçün yaradılmış komissiya özünün hesabatını açıqlayıb. Hesabatda hökumətə Türkiyə ilə müharibəyə hazır olmaq çağırışı yer alıb.
Missiya.Az xarici mediaya istinadən xəbər verir ki, bu barədə “The Jerusalem Post” qəzeti məlumat yayıb.
Sənəddə Türkiyənin Suriya qrupları ilə birləşmək və xüsusən də bölgədə qeyri-sabitliyi artıraraq proxy müharibə aparmağa başlaması riski vurğulanır.
“Suriyadan gələn təhlükə İran təhdidindən daha təhlükəli bir şeyə çevrilə bilər”, - hesabatda deyilir. Bu fonda komitə növbəti beş il ərzində İsrailin illik müdafiə büdcəsini 15 milyard şekel (4,1 milyard dollar) artırmağı, əlavə F-15 qırıcıları, tankerlər, pilotsuz təyyarələr və peyklər almağı, hava hücumundan müdafiə sistemlərinin effektivliyini artırmağı və qoruyucu sistem qurmağı təklif edib. Hesabat yanvarın 6-da Baş nazir Benyamin Netanyahu, müdafiə naziri İsrael Katsa və maliyyə naziri Bezalel Smotriçə təqdim edilib.
“Biz Yaxın Şərqdə köklü dəyişikliklərin şahidi oluruq. İran çoxdan bizim ən böyük təhlükəmizdir, lakin arenaya yeni qüvvələr daxil olur və biz gözlənilməzliyə hazır olmalıyıq. Bu hesabat İsrailin gələcəyini təmin etmək üçün yol xəritəsidir”, - Netanyahu sənədə münasibətində belə deyib.
ElcanMissiya.Az
