ABŞ 2024-cü ilin ilk 11 ayında Rusiyadan kakao məhsullarının, əsasən də şokoladın alışını üç dəfə artırıb.
NOCOMMENT.az xəbər verir ki, bu barədə RİA Novosti ABŞ statistika xidmətinin məlumatlarına istinadən məlumat yayıb.
Məlumata görə, 2024-cü ilin yanvar-noyabr aylarında ABŞ Rusiyadan demək olar ki, 2,5 milyon dollara kakao məhsulları alıb ki, bu da ötən ilin eyni dövrü ilə müqayisədə 3 dəfə çoxdur.
11 ayın nəticələrinə görə, şokolad idxalı 2,48 milyon dollar, kakao tozu isə 18,8 min dollar təşkil edib.
Həmçinin qeyd edilir ki, bu alış həcmi 2021-ci ildən bəri ən yüksək həddə çatıb.
