1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İqtisadi qeyri-sabitlik və daşınmaz əmlaka tələbatın azalması şəraitində Çində yerli özünüidarəetmə orqanları borcların ödənilməsi üçün qeyri-adi üsuldan - satılmayan mənzillərdən istifadə etməyə başlayıblar.
Oxu.Az-ın verdiyi məlumata görə, bu barədə "The Wall Street Journal" (WSJ) xəbər yayıb.
Nəşr Çinin Sincan-Uyğur Muxtar Rayonunda qaz təchizatçısını nümunə göstərib. Burada şirkət Çanci şəhərinin dövlət müəssisələrindən 25 milyon dollar məbləğində borcun ödənilməsi üçün 260 tamamlanmamış mənzil qəbul edib. Mənzillər şəhərin yaşayış komplekslərinin birində yerləşir.
Çin Milli Maliyyə və İnkişaf İnstitutunun baş elmi işçisi Brus Panqın sözlərinə görə, borcların ödənilməsinin belə forması "heç olmamaqdan daha yaxşıdır".
