ABŞ-nin yeni seçilmiş prezidenti Donald Tramp yanvarın 20-də inauqurasiya günündə 200-dən çox sərəncam imzalayacaq. Bu barədə məlumatlı “Fox News” mənbələrinə istinadən yayıb.
"Konkret olaraq Tramp Meksika ilə sərhəddə fövqəladə vəziyyət elan edəcək, hərbçilərə ölkənin cənubunda asayişi qorumaq üçün Daxili Təhlükəsizlik Departamenti ilə işləməyi əmr edəcək və sərhədin bütün qeyri-qanuni mühacirlər üçün bağlandığını açıqlayacaq",- nəşr yazıb.
Yeni dövlət başçısı həmçinin proseslərə ABŞ-nin milli təhlükəsizliyini qorumaq üçün Federal Təhlükəsizlik Bürosu(FTB), İmmiqrasiya və Gömrük Mühafizəsi (ICE) və digər qurumları cəlb etməklə ölkəni cinayətkar kartellərdən tamamilə təmizləmək məqsədi ilə işçi qruplar yaradacaq. Tramp narkotik kartellərini xarici terror təşkilatları elan etmək niyyətindədir.
Tural
