"Qalatasaray" "Milan"ın futbolçusu Emerson Royalı transfer edə bilər.
QOL.az xəbər verir ki, bu barədə insayder Fabrizio Romano məlumat yayıb.
İstanbul klubu 26 yaşlı müdafiəçinin keçidi ilə bağlı "Milan"la danışıq aparır. "Qırmızı-qaralar" isə bu mövqe üçün "Mançester Siti"dən Kayl Uokeri transfer etməyə yaxındır.
Qeyd edək ki, Emerson Royal 2024-cü ilin avqustundan "Milan"da çıxış edir. Braziliyalı futboloçu bu mövsüm İtaliya klubunda ümumilikdə 26 oyuna çıxıb.
