.jpg)
ABŞ prezidenti Donald Trampın Qəzza sakinlərinin Misir və İordaniyaya göndərilməsini təklifi qəbuledilməzdir. Fələstinlilərin məcburi köçürülməsini qəti şəkildə pisləyirik.
Teleqraf.com xəbər verir ki, bunu İordaniyanın xarici işlər naziri Ayman Safadi bazar günü bildirib jurnalistlərə açıqlamasında bildirib.
“Biz fələstinlilərin köçürülməsini qəti rədd edirik. İordaniya iordaniyalılar üçün, Fələstin isə fələstinlilər üçündür”, - Safadi bəyanatında bildirib.
Daha əvvəl Tramp demişdi ki, İordaniya və Misir müharibədən əziyyət çəkən Qəzza zolağından daha çox fələstinli qəbul etməlidir, bu təklif anklavı idarə edən Fələstinin Həmas qrupu tərəfindən rədd edilmişdi.
Keçən il Vaşinqton fələstinlilərin məcburi köçkünlüyünə qarşı olduğunu bildirmişdi. İnsan haqları qrupları və humanitar agentliklər aylardır Qəzzədəki vəziyyətdən narahat olduqlarını bildirirlər, çünki müharibə demək olar ki, bütün əhalinin didərgin düşməsinə və kütləvi aclığa səbəb olub.
